![लिंगो ठड्याइयो, इन्द्रजात्रा पर्व सुरु (तस्बिरहरू)](https://12khari.top/uploads/posts/SunilPradhan_इन्द्रजात्रा-1-day_12khariphoto-57-1695713106.jpg)
काठमाडौं । काठमाडौं उपत्यकामा मंगलबारदेखि इन्द्रजात्रा पर्व विधिवत् रूपमा सुरु भएको छ । वसन्तपुरस्थित हनुमानढोकामा यःसीं अर्थात् इन्द्रध्वज (लिंगो) ठड्याएर जात्रा सुरु गरिएको हो ।
बिहान १०ः३७ बजेको शुभसाइतमा हनुमानढोका दरबार क्षेत्रमा इन्द्रध्वजोत्थान गरिएको थियो । प्रत्येक वर्ष भाद्र शुक्ल द्वादशीका दिन हनुमानढोका परिसरमा इन्द्र देवताको पूजाआजा गरी इन्द्रध्वजसहितको लिंगो ठड्याएसँगै जात्रा सुरु हुने गर्छ ।
यसको मुख्य दिन असोज ११ गते हनुमानढोका दरबार क्षेत्रमा राष्ट्रपति रामचन्द्र पौडेललगायत विशिष्ट व्यक्तिले इन्द्रजात्राको अवलोकन गर्ने कार्यक्रम रहेको जनाइएको छ ।
इन्द्रजात्राको मुख्य आकर्षण कुमारीजात्रा हो । माथिल्लो, तल्लो र बीचका विभिन्न टोलमा कुमारी रथयात्रा गर्ने चलन छ । श्रीभैरव र श्रीगणेशको पनि रथयात्रा गर्ने चलन छ । इन्द्रजात्रालाई देवताहरूको जात्रा भन्ने गरिन्छ ।
थप तस्बिर हेर्नोस्–