काठमाडौं । बारबरा अडम्स फाउन्डेसनको आयोजना 'स्टोलेन इमेज अफ नेपाल' कार्यक्रम सम्पन्न भएको छ । आइतबार काठमाडौंमा उक्त कार्यक्रम सम्पन्न भएको हो ।

कार्यक्रममा नेपाली सम्पदाको अहिलेसम्म चोरी भएको र फिर्ता आएको बारेमा छलफल भएको छ। नेपाल हालसम्म कति चोरी भएको र कति भेटिए भन्ने विशेष छलफल भएको छ ।

उक्त कार्यक्रम प्रतिनिधिसभाका सांसद स्वर्णिम वाग्ले, बारबरा फाउन्डेसनका अध्यक्ष सन्दुक रूइत, ललितपुर महानगरपालिकाका मेयर चिरिबाबु महर्जन, पुरातत्त्व विभागको महानिर्देशक सौभाग्य प्रधानाङ्ग, पुरातत्वविद रमेश ढुङ्गेललगायतको उपस्थित थियो ।

कार्यक्रममा बोल्दै सांसद स्वर्णिम वाग्लेले नेपालको मूर्ति संरक्षण र चोरी भएको मूर्ति फिर्ता लिनको लागि भूमिका खेल्ने बताए । अवश्यक सहयोग र समन्वय गर्ने उनले बताए ।

ललितपुर महानगरका मेयर महर्जनले नेपालबाट चोरी भएको मूर्ति फिर्ता लिनको आफूले सहयोग गर्ने बताए । उनले त्यस्ता मूर्ति फिर्ता लिनको लागि संघ सरकार र कुटनीतिज्ञहरूको सहयोग चाहिने बताए ।

पुरातत्त्वविद ढुङ्गेलले चोरी भएको मूर्ति फिर्ता लिनको लागि यस्तो कार्यक्रमले महत्त्वपूर्ण भूमिका खेल्ने बताए । यस्तो खालका कार्यक्रम आगामी दिनमा पनि निरन्तरता दिनुपर्ने बताए ।

विभाग महानिर्देशक सौभाग्य प्रधानाङ्गले मूर्ति संरक्षणको आफू इमान्दार भएर लाग्ने बताए । साथै, चोरी भएको मूर्ति फिर्ताको लागि सम्पूर्ण निकायको समन्वय आवश्यक रहेको बताइन् ।