site stats
बाह्रखरी :: Baahrakhari
खेल
Global Ime bankGlobal Ime bank
सिटीको जितमा आल्भारेजको दुई गोल

काठमाडौं । अर्जेन्टिनी फरवार्ड युलियन आल्भारेजले दुई गोल गर्दा यूईएफए च्याम्पियन्स लिग २०२३–२४ को आफ्नो पहिलो खेलमा साविक विजेता म्यानचेस्टर सिटीले एफके सर्भाना जभेस्डाविरुद्ध ३–१ को जित निकालेको छ ।

मंगलबार घरेलु मैदान इत्तिहाद रंगशालामा सिटीलाई जित रोड्रीले एक गोल थपे । खेलमा सुरुआती अग्रता भने जभेस्डाले बनाएको थियो । ४५औँ मिनेटमा ओस्मान बुकारीले गोल गरेपछि जभेस्डाले पहिलो हाफमा १–० को अग्रता बनाएको थियो ।

तर, पाहुना टिमको यो अग्रता लामो समय टिक्न सकेन । ४७औँ मिनेटमा आल्भारेजले गोल गर्दै घरेलु टिमलाई खेलमा फर्काएका थिए । ६०औँ मिनेटमा आल्भारेजले नै गोल गरेपछि सिटीले २–१ को अग्रता बनाएको थियो । ७३औँ मिनेटमा रोड्रीले गोल गरेपछि सिटीले ३–१ को जित निश्चित गर्‍यो ।

जितसँगै तीन अंक जोडेको सिटी समूह ‘जी’को दोस्रो स्थानमा उक्लिएको छ । शीर्ष स्थानमा रहेको आरबी लाइपजिगले पनि समान तीन अंक नै जोडेको छ । अंकविहीन जभेस्डा तालिकाको तेस्रो स्थानमा छ ।

मंगलबारै भएको समूह ‘जी’को अर्को खेलमा लाइपजिगले योङ ब्वाइजविरुद्ध ३–१ गोलकै जित निकाल्यो । जितसँगै लाइपजिग शीर्ष स्थानमा उक्लँदा योङ ब्वाइज तालिकाको पुछारमा छ ।

प्रकाशित मिति: बुधबार, असोज ३, २०८०  ०९:१२
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro