काठमाडौं । अर्काको मोबाइल नम्बर आफ्नो नाममा सारेर बैंकबाट रकम चोरी गर्ने एकजना पक्राउ परेका छन् ।

पक्राउ पर्नेमा काभ्रेपलाञ्चोक पाँचखाल नगरपालिका–६ का २२ वर्षीय सरोज दिवाली छन् । उनलाई प्रहरीको उपत्यका अपराध अनुसन्धान कार्यालयको टोलीले पक्राउ गरेको हो ।

कार्यालयका एसपी रवीन्द्र रेग्मीका अनुसार दिवालीले पीडितको अनुमतिबिना पीडितले प्रयोग गर्ने मोबाइल नम्बर आफ्नो नाममा नामसारी गरेर सोही नम्बरको आधारमा पीडितको बैंक खातासम्म पहुँच पुर्‍याएर रकम चोरी गरेको खुलेको छ ।

उनले मोबाइल बैंकिङमामार्फत पीडितको ६ लाख रुपैयाँ विभिन्न खाताहरुमा पठाएको खुलेको छ । सोही आधारमा उनलाइ पक्राउ गरिएको हो । पक्राउ परेका दिवालीमाथि थप अनुसन्धान जारी रहेको छ ।