site stats
बाह्रखरी :: Baahrakhari
देश
Global Ime bankGlobal Ime bank
डेंगीका बिरामीले के खाने, के नखाने ?

काठमाडौं । पछिल्लो समय नेपालमा डेंगी संक्रमण प्रकोपको रूपमा फैलिरहेको छ । इपिडिमियोलोजी तथा रोग नियन्त्रण महाशाखाको तथ्यांकअनुसार यो वर्ष जनवरीयता सेप्टेम्बर ७ सम्म २४ हजार ८४२ जनामा डेंगी संक्रमण पुष्टि भएको छ । १४ जनाको मृत्यु भइसकेको छ । 

शुक्रराज ट्रपिकल तथा सरुवारोग अस्पतालका प्रमुख कन्सल्ट्यान्ट फिजिसियन डा. विमल चालिसेका अनुसार यदि सिकिस्त डेंगी संक्रमण देखिएमा प्लेटलेट्स, हेमोग्लोबिन, ह्वाइट ब्लड सेल्स घटेर जानेलगायत कलेजोमा असर पनि देखिन सक्छ । यस्तो अवस्थामा बिरामीलाई आईसीयूमा राखेर उपचार गर्ने गरिएको छ । तर, संक्रमितमध्ये ७५ प्रतिशतमा मात्रै लक्षण देखिने र सामान्य असर देखिने  हुन सक्ने डा. चालिसे बताउँछन् । 

सामान्यतया ज्वरो नभएको अवस्थामा सामान्य खानेकुरा खान मिल्ने भए पनि झोलिलो र पोषणयुक्त खानेकुरामा जोड दिन डा. चालिसेको सुझाव छ । पखाला र वान्ता भएका संक्रमितमा डिहाइड्रेसन (शरीरमा पानीको मात्रा कम भएर समस्या देखिनु) हुने भएकाले जीवनजल पानी पिइरहन चिकित्सकहरू सुझाव दिन्छन् । डेंगी संक्रमितका लागि ‘नेसनल न्युट्रेसन काउन्सिल अफ चाइना’ले तयार पारेको मार्गनिर्देशनअनुसार खान हुने र नहुने खानेकुराको सूची यस्तो छ । 

के खानुपर्छ ?

  • पानी र झोलजन्य पदार्थ ।
  • क्यालोरीयुक्त खानेकुरा : भात, आलु, दुध आदि ।
  • आइरनयुक्त खानेकुरा : कलेजो भएको मासु, हरियो सागपात र मिनरल भएका खानेकुराहरू ।
  • भिटामिन सी पाइने खानेकुरा : भुइँकटहर, मेवा, कागती आदि । 
  • भिटामिन के पाइने खानेकुरा : केरा, प्याज, बन्दा, काँक्रो आद । 

के खान हुँदैन ?

  • चकलेट, चकलेटजन्य ड्रिङ्क्स, बट्टामा राखिएका जुस ।
  • धेरै चिल्लो भएका र पचाउन गाह्रो हुने खाने कुराहरू । 
  • मसालेदार खानेकुराहरू ।
  • चिया, कफी तथा कफीजन्य पदार्थहरू ।

प्रकाशित मिति: मंगलबार, भदौ २६, २०८०  ०५:४०
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro