काठमाडौं । मोरङमा गरगहना चोरी गरेको आरोपमा एक युवक पक्राउ परेका छन् । रतुवामाई नगरपालिका–५ का २२ वर्षीय सञ्जय पासवानलाई शुक्रबार (हिजो) बिहान प्रहरीले नियन्त्रणमा लिएको हो ।

सुनवर्षी नगरपालिका–९, डाइनियास्थित मनीष ज्वेलर्सबाट सुनचाँदीका विभिन्न गरगहना चोरेको उनीमाथि आरोप छ ।

स्थानीय ब्रिजलाल सोनारको उक्त ज्वेलर्सबाट शुक्रबार बिहान करिब तीन लाख ४७ हजार ८४० रुपैयाँबराबरका सुनचाँदीका गरगहना चोरी भएको थियो । चोरीमा संलग्न रहेको आरोपमा प्रहरीले पासवानलाई डाइनियाबाटै पक्राउ गरेको हो ।

उनको साथबाट फलामको रड दुईथान, कैँची र नियन्त्रित लागुऔषध नाइट्राभेट ३४ ट्याब्लेट समेत बरामद गरिएको प्रहरीले जनाएको छ ।