काठमाडौं । काठमाडौं महानगरपालिकाले अखाद्य पदार्थ बिक्री गरेको आरोपमा एक वितरक कम्पनीलाई एक लाख ५० हजार रुपैयाँ जरिवाना तिराएको छ ।

पुतलीसडकस्थित कालिञ्चोक ट्रेडिङ नेपालमा अनुगमनका क्रममा अखाद्य पदार्थ भेटिएकाले जरिवाना गरिएको महनगरले जनाएको छ ।

महानगरका अनुसार सो वितरकबाट गुणस्तरहीन सामान बिक्री भइरहेको र बोतलमा हुने खाद्यान्न राम्रोसँग सिलबन्दी नभएको अनुगमनका क्रममा देखिएको थियो ।

अखाद्य देखिएका पदार्थ बजारमा नपुग्दै फिर्ता ल्याउन र राम्रोसँग चेकजाँच गरेर मात्र खुद्रा पसलमा सामान पठाउन कम्पनीलाई महानगरको निर्देशन छ ।