विराटनगर ।  सुनसरीको धरानमा सुरक्षा व्यवस्था कडा पारिएको छ । धार्मिक सद्भावमा खलल आउनसक्ने सम्भावनालाई मध्यनजर गर्दै ठूलो संख्यामा सुरक्षाकर्मी परिचालन गरिएको हो । धरानका धेरै क्षेत्रमा आज राति १२ बजेसम्म निषेधाज्ञा जारी गरिएको छ । 

धरान प्रवेश गर्ने मुख्य नाकाहरुमा सुरक्षाकर्मीको बाक्लो उपस्थिति देखिएको छ ।  प्रहरीले सुनसरीको धरानतर्फ जाने सवारीसाधनलाई इटहरीमै रोकेको छ । 

बिहानसम्म भने धरान छिर्ने नाका तरहरासम्म सवारी साधन चलेका थिए । यात्रुवाहक र हलुका सवारी पनि रोक लगाइएको छ । मोटरसाइकल पनि चल्न रोक लगाइएको छ । 

‘गोरुको मासु खाँदै गरेको’ फोटो र भिडियो सामाजिक सञ्जालमा सार्वजनिक भएपछि हिन्दुवादीहरुले त्यसको विरोधमा प्रदर्शन गर्ने तयारी गरेका थिए । 

तस्बिर सौजन्य : विनय बाराकोटी