काठमाडौं । भक्तपुरको जगातीबाट लागुपदार्थ सेवन (लापसे) गरी सवारी साधन चलाउने तीनजना चालकलाई ट्राफिक प्रहरीले नियन्त्रणमा लिएको छ ।

ट्राफिक प्रहरीले विङ्गर चालक सर्लाहीको लालबन्दी नगरपालिका–१६ परवानीपुरका २८ वर्षीय जनक भुजेल, मिनिबस चालक धनुषाको जनकपुर उपमहानगरपालिका–७ का ३८ वर्षीय प्रभाष कुमार झा र कन्टेनर चालक दोलखाको भीमेश्‍वर नगरपालिका–६ का ४२ वर्षीय सन्तोष भण्डारीलाई नियन्त्रणमा लिएको हो । 

उनीहरूलाई प्रहरी वृत्त जगातीमा पठाइएको ट्राफिक प्रहरीले जनाएको छ ।