काठमाडौं । देशका विभिन्न बाल सुधारगृहमा एक हजार १२७ जना कैदी तथा थुनुवा बालबालिका रहेका छन् ।

गृह मन्त्रालयअन्तर्गतको कारागार व्यवस्थापन विभागका अनुसार यो तथ्याङ्क २०८० असार मसान्तसम्मको हो ।

बाल सुधारगृहमा रहेका बालबालिकामध्ये एक हजार ८५ जना बालक र ४२ जना बालिका छन् ।

बाल सुधारगृह भक्तपुरमा ३००, बाल सुधारगृह मोरङमा २०६, बाल सुधारगृह कास्कीमा ८२, बाल सुधारगृह बाँकेमा २४६, बाल सुधारगृह मकवानपुरमा ५९, बाल सुधारगृह डोटीमा ४१, बाल सुधारगृह पर्सामा १२३ र बाल सुधारगृह रुपन्देहीमा ७० जना कैदी तथा थुनुवा बालबालिका रहेका छन् ।

बाल सुधारगृहमा कैदी बालबालिकाको संख्या ६०५ र थुनवा बालबालिकाको संख्या ५२२ रहेको छ । कैदी बालबालिकामा ५८७ जना बालक र २० जना बालिका छन् । यस्तै, थुनुवामा ५०० जना बालक र २२ जना बालिका छन् ।

बालसुधार गृहमा ६ जना विदेशी बालबालिका रहेका छन् । यीमध्ये चारजना भारतीय हुन् ।