विराटनगर । आफूलाई विश्वासको मत दिन आग्रह गर्दै कोसी प्रदेशका मुख्यमन्त्री उद्धव थापाले प्रमुख विपक्षी र विपक्षी दललाई पत्राचार गरेका छन् ।

मुख्यमन्त्री थापाले सोमबार प्रदेशसभाको बैठकमा विश्वासको मत लिँदैछन् । थापाले प्रमुख विपक्षी नेपाल कम्युनिस्ट पार्टी नेकपा (एमाले) र राष्ट्रिय प्रजातन्त्र पार्टी (राप्रपा)लाई आइतबार पत्र पठाई विश्वासको मत दिन आग्रह गरेका हुन् ।

थापा गठबन्धन दलका ४७ सांसदको समर्थनमा साउन १६ गते मुख्यमन्त्री नियुक्त भएका हुन् । उनले भदौ १४ गते अगावै विश्वासको मत लिइसक्नु पर्ने संवैधानिक बाध्यता रहेको छ ।

एमाले कोसी प्रदेशका प्रमुख सचेतक रेवतीरमण भण्डारीले मुख्यमन्त्री थापाले विश्वासको मत दिन अनुरोध गर्दै पत्र पठाएको जानकारी दिएका छन् ।

अघिल्लो एमाले नेतृत्वको सरकारका मुख्यमन्त्री हिक्मत कार्कीले पनि विश्वासको मत लिनु अगाडि अन्य दललाई पत्राचार गरेका थिए । प्रदेशसभामा एमालेका ४० र राप्रपाका ६ सांसद छन् ।

गठबन्धनमा रहेका कांग्रेसका २९, माओवादी केन्द्रका १३, एकीकृत समाजवादी चार र जसपा एक सांसद छन्