काठमाडौं । काठमाडौं महानगरपालिकाको नगर प्रहरीको टोली र बूढानीलकण्ठ नगरपालिका–१० का वडाअध्यक्षसहितको समूहबीच विवाद भएको छ ।

वडाध्यक्ष नवराज भट्टराई नेतृत्वको समूह र काठमाडौंका नगर प्रहरी प्रमुख राजुनाथ पाण्डेसहितको टोलीबीच विवाद भएको हो ।

• डोजर लिएर महानगरको टोली कपन पुगेपछि तनाव (तस्बिरहरू)

बूढानीलकण्ठको साततलेमा कपन खोलामाथि बनाइको संरचना भत्काउन डोजरसहित पुगेपछि पाण्डेसहितको टोलीलाई वडाध्यक्ष भट्टराइले रोकेपछि विवाद भएको हो ।

दुवै पक्षबीचको विवाद घम्साघम्कीको अवस्थामा पुगेपछि प्रहरीको समन्वयमा अहिले छलफल भइरहेको छ ।