काठमाडौं । प्रतिनिधिसभा सदस्य चन्द्रकान्त राउत (सीके राउत)ले जनतालाई पेलेर विकास नहुने बताएका छन् । मंगलबार प्रतिनिधिसभाअन्तर्गतको पूर्वधार विकास समितिको बैठकमा राउतले यस्तो बताएका हुन् ।

“जनताको लागि विकास गर्ने हो । जनतालाई पेलेर विकास हुँदैन," सांसद राउतले भने, “तपाईँहरूसँग पैसा छ भन्दैमा स्थानीयलाई पेल्न मिल्दैन ।”

व्यावसायीले चाहँदैमा सबै कुरा राज्यले दिन नसक्ने पनि राउतले बताए ।

“हाइड्रोमा नै किन लगानी गर्न चाहनुहुन्छ ? व्यावसायीले चाहँदैमा सबै कुरा राज्यले दिँदैन,” सांसद राउत भने, “जनता केही पनि हैन भन्ने भावनाले व्यवसायी लाग्नु हुँदैन ।”