काठमाडौं । अमेरिकी सहायक विदेशमन्त्री डोनाल्ड लु नेपाल भ्रमणको सिलसिलामा शुक्रबार बिहान काठमाडौं आइपुगेका छन् । दक्षिण एसियाली राष्ट्रको भ्रमण गर्ने क्रममा उनी काठमाडौं आइपुगेका हुन् ।

उनले आजै अपराह्न ४ बजे परराष्ट्रमन्त्री एनपी साउदसँग भेटवार्ता गर्ने कार्यक्रम छ । आजै साँझ ६ बजे उनले प्रधानमन्त्री पुष्पकमल दाहाल ‘प्रचण्ड’सँग भेट गर्नेछन् ।

अमेरिकी सहायक विदेशमन्त्री लुले नेपाली कांग्रेसका सभापति शेरबहादुर देउवा र नेकपा (एमाले)का अध्यक्ष केपी शर्मा ओलीसँग पनि भेटवार्ता गर्ने कार्यक्रम रहेको जनाइएको छ ।

उनले अमेरिकन चेम्बर अफ कर्मसको एक सदस्य संस्थाका पदाधिकारीसँग पनि भेटघाट गर्ने काठमाडौंस्थित अमेरिकी दूतावासले जनाएको छ ।