काठमाडौं । मनाङ एयरको हेलिकोप्टर दुर्घटनामा परेर ज्यान गुमाएकाहरूको शव काठमाडौं ल्याइएको छ ।

शवलाई पोष्टमाटर्मको लागि काठमाडौं ल्याइएको हेलिटुर सेवा प्रदायक कम्पनी एभेरेष्ट एक्सपेरियन्स एन्ड एसिस्टेन्सका सञ्चालक मुक्ति पाण्डेले बताए ।

उनीहरूको शव महाराजगञ्जस्थित शिक्षण अस्पतालमा ल्याइएको पाण्डेले बताए । सोही कम्पनीमार्फत उनीहरु ‘माउन्टेन फ्लाइट’मा गएका थिए ।

मंगलबार बिहान मनाङ एयरको हेलिकोप्टर सोलुखुम्बुको लिखुपिके ५ लामजुरामा दुर्घटना भएको थियो । उक्त दुर्घटनामा क्याप्टेन सीबी गुरुङ र पाँचजना मेक्सिकन नागरिक गरी सवार ५ जनाकै मृत्यु भएको थियो ।