काठमाडौं । प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र नेकपा (एमाले)का अध्यक्ष केपी शर्मा ओलीबीच आज पनि भेटवार्ता हुने भएको छ  ।

अहिले केही बेरमा सिंहदरबारमा छलफलको तयारी भएको हो ।

“छलफलका लागि भनेर खबर आएको छ । अध्यक्षज्यू जाँदै हुनुहुन्छ । केहीबेरमा छलफल होला,” एमाले अध्यक्षको सचिवालयले बाह्रखरीसँग भन्यो ।

तीन नेताबीच संसद्को अवरोध हटाउने विषयमा आइतबार पनि छलफल भएको थियो । तर, सहमतिबाट ओली पछि हटेको भन्दै आइतबारको प्रतिनिधिसभा बैठक आजलाई सारिएको नेताहरु बताउँछन् ।

बैठक दिउँसो ३ बजेलाई बोलाइएको छ । एमालेले प्रधानमन्त्री प्रचण्डको अभिव्यक्तिलाई लिएर राजीनामा दिनुपर्ने माग गर्दै आएको छ ।