काठमाडौं । काठमाडौं महानगरका मेयर बालेन शाहले राजनीतिक दलका नेताहरूलाई फेरि 'भारतको गुलाम'को संज्ञा दिएका छन् ।

शुक्रबार राति सामाजिक सञ्जालमार्फत बालेनले नेताहरूलाई वर्षभरि धान रोपे भारतीय गुलाम हुनुनपर्ने बताएका छन् ।

उनले लेखेका छन्,"नेताज्यूहरूले यसरी नै वर्षभरि नै धान रोपिदिनुभो भने तपाईंहरू भारतको गुलाम हुनु पर्दैन ।"

बालेनले सामाजिक सञ्जालमार्फत बेलाबेला नेताहरूलाई विभिन्न आरोप लगाउँदै आएका छन् । 

शुक्रबार धान दिवसको अवसर पारेर एमाले अध्यक्ष केपी शर्मा ओली, रास्वपा सभापति रवि लामिछानेसहित विभिन्न राजनीतिक दलका नेताहरूले किसानहरूको खेतामा गएर धान रोपेका थिए ।