काठमाडौं । काठमाडौंबाट ललितपुर हुँदै मकवानपुर जोड्ने कान्ति राजपथ पहिरोका कारण अवरुद्ध भएको छ । 

ललितपुरको भट्टटेडाँडास्थित वाग्मती पुल नजिकै पहिरो खसेपछि कान्ति राजमार्गको एक खण्डमा सवारी आवागमन पूर्णरूपमा अवरुद्ध भएको हो । 

पहिरोले अवरुद्ध भएको स्थान मकवानपुरको सिमानाबाट करिब दुई किलोमिटरमा पर्छ । जिल्ला प्रहरी कार्यालय मकवानपुरका प्रहरी निरीक्षक रामचन्द्र घिमिरेका अनुसार मौसममा सुधार नहुँदासम्म पहिरो हटाउन सकिने अवस्था छैन । त्यही कारण हेटौंडाबाट काठमाडौं आउँदै गरेका सवारीलाई प्रहरीले थिङगान क्षेत्रमा रोकेको छ ।