खेल
काठमाडौं । नेपालका करणबहादुर चन्दले ब्रिटिस इन्टरनेसनल ओपन तेक्वान्दो प्रतियोगितामा सहभागिता जनाउने भएका छन् ।
बेलायतको म्यानचेस्टरमा जुलाई १ देखि सुरु हुने प्रतियोगिताका लागि नेपालका तर्फबाट कञ्चनपुरको भिमदत्त नगरपालिका–२ का चन्दले सहभागी जनाउने भएका हुन् ।
चन्दले प्रतियोगिताको सिनियर जी वानमा प्रतिस्पर्धा गर्नेछन् । ब्रिटिस तेक्वान्दो एसोसिएसनको आयोजनामा हुने प्रतियोगिता जुलाई २ सम्म नेसनल साइक्लिङ सेन्टर, म्यानचेस्टरमा आयोजना हुनेछ ।
चन्दले यसअघि बेल्जियममा भएको बेल्जियम ओपनमा काश्यपदक जितेका थिए ।
प्रकाशित मिति: बुधबार, असार १३, २०८० १७:०३
प्रतिक्रिया दिनुहोस्