काठमाडौं । विनियोजन विधेयक २०८० (बजेट) पास गर्नका लागि सरकारले आज प्रतिनिधिसभाको बैठकमा प्रस्ताव पेस गर्दै छ । यसका लागि बिहान ११ बजे प्रतिनिधिसभाको बैठक बस्दै छ । 

तर, कांग्रेस, माओवादीबाहेकका सत्ता साझेदार दलहरूले बजेट पास गर्न सघाउने अथवा नसघाउने भन्ने निर्णय अहिलेसम्म गरेका छैनन् । 

जनता समाजवादी पार्टी (जसपा), नेकपा एकीकृत समाजवादी (नेकपा एस), नागरिक उन्मुक्ति पार्टी र जनमत पार्टीले यसबारे निर्णय गरिसकेका छैनन् । के गर्ने भन्नेबारे यी दलले संसदीय दलको बैठक बसेर आज बिहान निर्णय गर्दैछन् । 

नेपाली कांग्रेस र नेकपा माओवादी केन्द्रले भने मंगलबार नै बजेटको पक्षमा मतदान गर्न ह्वीप जारी गरिसकेका छन् ।

आज बिहान ११ बजे बस्ने प्रतिनिधि सभा बैठकबाट विनियोजन विधेयक २०८० (बजेट) पास गर्ने तयारी छ ।