काठमाडौं । नेकपा (माओवादी केन्द्र) का सांसद माधव सापकोटाले सत्ता गठबन्धनमा एक किसिमको सहमति बनेपछि असार १२ गते संसद्बाट बजेट पास हुने दाबी गरेका छन् ।

आइतबार संसद्बाहिर सञ्चारकर्मीसँग कुरा गर्दै उनले सांसदहरुले संसद्मा उठाएका कुराको सम्बोधन हुनुपर्ने र अर्थमन्त्री डा. प्रकाशशरण महत र प्रधानमन्त्री पुष्पकमल दाहाल प्रचण्डले बजेट सुधार्ने प्रतिवद्धता जनाइसकेकाले बजेट पास हुने बताए । उनले प्रचण्ड नेतृत्वको सरकार फेरेर अहिले कुनै पनि विकल्प नरहेको बताए ।

“विधि, प्रक्रियामा लगेर उठेका विषय सम्बोधन गर्ने प्रक्रियाबाट अघि बढ्छ । प्रचण्ड सरकार फेरेर अर्को कुनै विकल्प तत्काल छैन,” उनले भने, “नेपाली कांग्रेस तयार नहुँदासम्म यो सरकार तलमाथि हुँदैन । नेपाली कांग्रेस तत्काल गठबन्धन परिवर्तन गर्ने पक्षमा छैन ।”

उनले कांग्रेस तत्काल गठबन्धन परिवर्तन गर्ने पक्षमा नरहेको जिकिर समेत गरे ।