काठमाडौं । ‘क्लिन अप प्रिमियर लिग २०२३’ को उपाधि भक्तपुरको समृद्धि कलेजले जितेको छ । मैनादेवी फाउन्डेसनले गएको वैशाख १० गते विश्व पृथ्वी दिवसका अवसरमा सरसफाइ गर्ने उद्देश्यले लिगको सुरुआत गरेको थियोे ।

६ हप्ता चलेको लिगमा समृद्धिले उत्कृष्ट प्रदर्शन गर्‍यो । उपाधिका साथमा उक्त कलेजले नगद एक लाख रुपैयाँ हासिल गर्‍यो ।

उपविजेता जया बहुमुखी क्याम्पसले ५० हजार र तेस्रो भएको इम्पेरियल बिजनेस स्कुलले २५ हजार रुपैयाँ पुरस्कार पायो ।

लिगमा १५ कलेजको सहभागिता थियोे । हरेक साताका शुक्रबार र शनिबार विभिन्न सार्वजनिक सम्पदा क्षेत्रहरूमा सरसफाइ, रङरोगन, वृक्षरोपणलगायत कार्यक्रमको आयोजना गरिएको थियोे ।

उक्त कार्यक्रमका आधारमा सहभागी कलेजलाई हरेक हप्ता अंक प्रदान गरी मूल्यांकन गर्दै सबैभन्दा बढी अंक ल्याउने कलेजलाई उपाधि प्रदान गरिएको आयोजकले जनाएको छ ।