काठमाडौं । नक्कली भुटानी शरणार्थी प्रकरणमा पक्राउ परेका सांसद टोपबहादुर रायमाझीको जिल्ला सरकारी वकिल कार्यालय काठमाडौंमा बयान सुरु भएको छ ।

सरकारी वकिल कार्यालयका प्रवक्ता सहन्यायाधिवक्ता अच्युत न्यौपानेले बाह्रखरीलाई रायमाझीको बयान केही समय अगाडि सुरु भएको बताए ।

रायमाझीलाई आजै काठमाडौं जिल्ला अदालतले तीन दिन हिरासतमा राखेर अनुसन्धान गर्ने अनुमति दिएको छ ।

रायमाझी आइतबार साँझ बूढानीलकण्ठबाट पक्राउ परेका थिए । 

उनीविरुद्ध वैशाख २० गते नै अदालतबाट पक्राउ पुर्जी जारी भएको थियो । पुर्जी जारी भएदेखि नै उनी फरार थिए ।