site stats
साहित्य
‘सन्तापको धून’माथि परिसंवाद

विराटनगर । कथाकार डा. अशोक थापाको कथाकृति ‘सन्तापको धून’माथि विराटनगरमा परिसंवाद कार्यक्रम सम्पन्न भएको छ । 

त्रिभुवन विश्वविद्यालयका उपप्राध्यापकसमेत रहेका थापाले गण्डकी पानीढलोमा प्रचलित मौलिकतालाई टिपेर सिर्जना गरेका कथाहरूले मौलिकता र आधुनिक परिवेशलाई जोड्ने प्रयास गरिएको बताएको छ । कृतिमाथि बोल्दै समीक्षक शुभलक्ष्मी लम्सालले थापाका कथाले उज्यालो यात्रालाई इंगित गरेको टिप्पणी गरिन् । पोखरा आसपासको स्थानीय रङ, लवज र भाषाको लेपनले कथामा नवीन बान्की भरेको उनको धारणा थियो । कथाहरूले विगत र वर्तमानका परिवेशबीच सादृश्यता कायम गरेको पनि टिप्पणी गरिन् ।

NMB Bank
Dabur nepal
Agani Group

समालोक महेश पौड्यालले थापाका कथाभित्र भेटिने विसङ्गतिको चित्रण उज्यालोकै लागि भएको बताए । थापाले कथामा आफूले देखे–भोगेको यथार्थको चित्रण गर्ने प्रयास गरेको बताए ।

कार्यक्रममा दधिराज सुवेदीले कथा साहित्यमा विविध रसका सुन्दर कथा आउनु ज्यादै खुसीको विषय भएको बताए । 
 

Global bank

प्रकाशित मिति: सोमबार, माघ ९, २०७९  १३:४६
प्रतिक्रिया दिनुहोस्
सम्पादकीय