काठमाडौं । लेखक रेहित सैंजुको मुक्तकसङ्ग्रह ‘परावर्तन’ एक समारोहकाबीच सार्वजनिक भएको छ । कल्पतरु साहित्यिक मासिक पत्रिकाको आयोजनामा सम्पन्न कार्यक्रममा उपस्थित पाहुनाहरूले कृतिको संयुक्त विमोचन गरे । 

विमोचन कार्यक्रममा डा. कृष्ण भण्डारी ‘मुमुक्षु’ले कृतिमाथि समीक्षात्मक टिप्पणी गरे । उनले सैंजुका मुक्तकको सबल तथा दुर्बल पक्षहरूका बारेमा बोले । 

विमोचन कार्यक्रममा कल्पतरुका प्रधान सम्पादक नवराज पुडासैनी ज्योत्सना, विनोद नेपाल, निशा केसी, मुक्तककार सैंजु, चिरञ्जिवी दाहाल, ऋद्धिनारायण श्रेष्ठ, अविका थापा मगरलगायतले बोलेका थिए ।

कार्यक्रममा राजबाबु श्रेष्ठ सागर र विष्णुप्रसाद आचार्यले कृतिभित्रका मुक्तक वाचन गरेका थिए ।