site stats
राजनीति
माधव नेपालले भने– निर्वाचनमा अपेक्षा गरेभन्दा फरक नतिजा आयो 

काठमाडौं । नेकपा (एकीकृत समाजवादी)का अध्यक्ष माधवकुमार नेपालले निर्वाचनमा अपेक्षा गरेभन्दा फरक नतिजा आएको बताएका छन् । रौतहटको निर्वाचन क्ष््रोत्र नं. १ बाट निर्वाचित भएपछि सञ्चारकर्मीसँग अध्यक्ष नेपालले निर्वाचनमा आफूले सोचेको भन्दा कम नतिजा आएको बताए । उनले नतिजाले शिक्षा दिएको पनि बताए । 

उनले आगामी दिनमा निर्वाचनको परिणामको मूल्याङन गर्दै भएका कमिकमजोरी सुधार गर्दै अघि बढ्ने बताए । अब कसको सरकार बन्छ भनेर अहिले नै भन्न नसकिने भन्दै समयको माग अनुसार बन्न सक्ने उनको भनाइ छ । 

NMB Bank
Agani Group

जनताले आफूलाई इमान्दारिता र निष्ठापूर्वक नै हेरेकाले जनताको विश्वासलाई पूरा गर्ने उनको दाबी छ । 

अध्यक्ष नेपालले ३३ हजार ५२२ मत ल्याएर विजयी भएका हुन् । उनका निकटतम प्रतिस्पर्धी नेकपा एमालेका अजयकुमार गुप्ताले २६ हजार ९२२ मत प्राप्त गरेका थिए । 

Global bank


 

प्रकाशित मिति: बिहीबार, मंसिर ८, २०७९  १५:१७
प्रतिक्रिया दिनुहोस्
सम्पादकीय