काठमाडौं । नेकपा (एमाले)का अध्यक्ष केपी शर्मा ओलीले त्रिपुरेश्वरस्थित महादेव मन्दिरको दर्शन गरेका छन् । बुधबार बिहान उनी नेता–कार्यकर्ता र सहयोगीसहित महादेवको मन्दिरमा पुगी दर्शन गरेका हुन् ।

मन्दिर दर्शनका क्रममा एमालेका तर्फबाट प्रतिनिधिसभातर्फ काठमाडौं निर्वाचन क्षेत्र नम्बर–१ बाट उमेदवार रहेका किरण पौडेल पनि साथमै थिए । त्यससँगै ओली काठमाडौंमा चुनावी अभियानमा सक्रिय भएका छन् ।

ओलीले आज काठमाडौं–१ का स्थानीयको गुनासो सुन्ने कार्यक्रम छ । त्यसक्रममा उनले सम्बोधन समेत गर्नेछन् ।

मंगलबार एमालेको आसन्न निर्वाचनलक्षित घोषणापत्र सार्वजनिक गरिएको थियो । त्यसपछि चुनावी अभियानलाई तीव्रता दिन लागिएको छ ।

तस्बिरहरू हेर्नोस्–