काठमाडौं । बाराको अमलेखगन्जमा बिहीबार बिहान यात्रीवहाक बस दुर्घटना भएको छ । दुर्घटनामा १५ जना घाइते भएका छन् ।

मधेस प्रदेश प्रहरी कार्यालयका प्रवक्ता एसपी सुमनकुमार तिम्सिनाका अनुसार चितवनको नारायणगढबाट पर्साको वीरगन्जतर्फ जाँदै गरेको बस बाराको जितपुरसिमरा उपमहानगरपालिका–२२, तीन नम्बर पुल भन्ने स्थानमा दुर्घटनामा परेको हो ।

उनका अनुसार बस अनियन्त्रित भएर सडकबाट करिब २० मिटर तल खसेको थियो । बसमा ४० जना सवार थिए ।

घाइतेलाई उपचारका लागि हेटौँडा अस्पतालमा पठाइएको छ ।