बुटवल । विगत डेढ वर्षदेखि रिक्त रहेका लुम्बिनी प्रदेशसभाका चार विषयगत समितिले पूर्णता पाएका छन् । चारमध्ये तीनमा नेकपा (एमाले) र एकमा राष्ट्रिय जनमोर्चाका सांसदले नेतृत्व पाएका छन् ।

यसमध्ये महत्त्वपूर्ण मानिने प्रदेशको सार्वजनिक लेखा समितिको सभापतिमा एमालेका विष्णु पन्थी निर्वाचित भएका छन् । उक्त समितिका सदस्यहरूमा भोजप्रसाद श्रेष्ठ, विमला पन्थी, धनकली चौधरी, रामजी घिमिरे, रेवतीरमण शर्मा, बैजनाथ कलवार, रमा अर्याल, पार्वती पुन गहतराज र गीता थापा छन् ।

अर्थ, उद्योग तथा पर्यटन समितिको सभापतिमा तारा जिसी, कृषि, वन तथा वातावरण समितिको सभापतिमा जाल्पा भुसाल र सामाजिक विकास समितिको सभापतिमा बाबुराम गौतम निर्विरोध निर्वाचित भएका छन् ।

बुधबार प्रदेशसभामा ती समितिको नेतृत्वका लागि उनीहरूको मात्र उमेदवारी परेपछि उनीहरू निर्विरोध भएको प्रदेशसभाका सचिव दुर्लभकुमार पुनले जानकारी दिए । “सबै पदमा एकल उमेदवारी परेको छ । बुधबार ५ बजेसम्म नाम दर्ताको समय थियो । अब तत् तत् समितिको बैठक बसेर यसको अनुमोदन हुनेछ,” उनले भने ।

सभापतिमा निर्वाचित जिसी जनमोर्चाकी प्रदेशसभा सदस्य हुन् । भुसाल र गौतम एमाले सांसद हुन् ।

अर्थ, उद्योग तथा पर्यटन समितिका सदस्यहरूमा थानकुमारी थापा चापागार्इं, भगवतीदेवी भण्डारी, दीपेन्द्रकुमार अधिकारी, तुलसी चौधरी, लीला गिरी, युवराज खनाल, भुवनेश्वर चौधरी, निर्मला क्षेत्री, मो. याकुव अन्सारी, कृष्णा केसी, तुलाराम घर्तीमगर र निर्मला मुडवरी भट्टराई छन् ।

कृषि, वन तथा वातावरण समितिका सदस्यहरूमा आरती पौडेल, कमलराज श्रेष्ठ, कविराम थारु, चेतनारायण आचार्य, कुलप्रसाद पोखरेल, अष्टभुजा पाठक, रुन्दावती शर्मा, दीपेन्द्रकुमार पुनमगर र लौटी थारु छन् ।

सामाजिक विकास समितिका सदस्यहरूमा कमलादेवी विक, चिन्तावती कुर्मी, अर्जुनकुमार केसी, पुरनमान बज्राचार्य, हरिप्रसाद रिजाल, वीरेन्द्रकुमार कनौडिया, पुष्पा थरुनी, तेजबहादुर ओली र दीपा विक छन् ।