तेहरान । इरान सरकारका प्रवक्ता अली राबेइले आज इराकस्थित अमेरिकी अखडामा गरिएको हमलालाई लिएर रिभुलस्नरी गार्डप्रति आभार व्यक्त गरेका छन् । 

सरकारले गार्डले आफ्नो बाचा पूरा गरेको जनाएको छ । हमलालाई जायज ठान्दै उनले भनेका छन्,‘‘हामी लडाई चाहँदैनौं । यदि फेरि पनि कुनै हमला हुन्छ भने त्यसको अझ कडा जवाफ दिनेछौं ।”

उता भारतका विदेश मन्त्रालयका प्रवक्ता रभीशकुमारले मध्यपूर्वको अहिलेको अवस्थालाई लिएर एक एडभाइजरी जारी गरेका छन् । उनले सबै भारतीय यात्रुलाई अर्को सूचना नआए सम्म इराकको यात्रा बन्द गर्न आग्रह गरेका छन् । 
उनले इराकमा रहेका नागरिकलाई सतर्क रहन पनि आग्रह गरेका छन् । 

रभीशकुमारका अनुसार इराकको बगदाद र इरबिल शहरमा रहेका भारतीय दूतावासले सामान्य दिनको जस्तै काम गरिरहने र इराकमा रहेका हरेका भारतीयका लागि उपलब्ध हुने जनाएका छन् ।  भारतले इरान, इराक र अन्य खाडी क्षेत्रमा हवाई उडान नगर्न समेत बिमान कम्पनीहरुलाई आग्रह गरेको छ ।
(बीबीसी)