काठमाडौं । अमेरिकामा राष्ट्रपति चुनावको दिनयता त्यहाँको चर्चित पत्रिका ‘दि न्युयोर्क टाइम्स’ को पेड सब्सक्राइबर बढेको पत्रिकाले बताएकोे समाचार संस्था एपीले जनाएको छ ।

यसअघि गत आइतबार नवनिर्वाचित राष्ट्रपति डोनाल्ड ट्रम्पले आफूविरुद्ध ‘दि न्यु योर्क टाइम्स’ धेरै कमजोर तथा अत्यन्तै असत्य कभरेज गरेकोले हजारौं ग्राहक गुमाएको भन्दै ट्वीट गरेका थिए ।

राष्ट्रपति निर्वाचित भएपछि उनले ६ पटक उक्त पत्रिकाको बारेमा ट्वीट गरेको बताइएको छ । तर, ट्रम्पले आफ्नो बारेमा ‘असत्य र कमजोर रिपोर्टिङ’ गरेको ट्वीटरमार्फत आरोप लगाए पनि सो पत्रिकाले आफ्ना पेड सब्सक्राइबर बढेको दाबी गरेको छ ।

‘दि न्यु योर्क टाइम्स’ ले चुनावको दिन पछिको एक हप्तामा प्रिन्ट तथा अनलाइन गरी ४१ हजार ग्राहकहरु बढेका बताएको छ ।

उसका अनुसार यो सन् २०११ पछाडि एक हप्तामा वृद्धि भएको सबैभन्दा धेरै ग्राहकको संख्या हो ।