बाह्रखरी
Ncell inner sticky
राजनीति प्रतिक्रिया दिनुहोस्
Jagadamba Group
Jagadamba Group
कांग्रेस सभापति देउवा भारतमा उच्चस्तरीय भेटवार्तामा, बुधबार नेपाल फर्कदै
KNP nepal
KNP nepal
बाह्रखरी - मंगलबार, कात्तिक २३, २०७३
Laxmi Bank
Laxmi Bank

काठमाडौँ । भारत भ्रमणमा रहेका नेपाली काँग्रेसका सभापति एवम् पूर्वप्रधानमन्त्री शेरबहादुर देउवाले नयाँ दिल्लीमा उच्चस्तरीय भेटवार्ता गरेका छन् ।

सभापति देउवाले भारतका प्रधानमन्त्री नरेन्द्र मोदीसँग आज बिहान १०ः४० बजे प्रधानमन्त्री कार्यालयमा शिष्टाचार भेट गरेको काँग्रेस केन्द्रीय कार्यालयले जनाएको छ ।

सो अवसरमा नेपालमा गत वर्ष गएको भूकम्पबाट भएको क्षति र भूकम्प पछिको पुनः निर्माणका सम्बन्धमा छलफल भएको थियो ।

Duber nepal

Agani Group

भारतीय प्रधानमन्त्री मोदीले पूर्वगोरखा सैनिकहरु मेहिनती र अनुशासित हुनुका साथै प्राविधिक रुपमा दक्षसमेत रहेका हुँदा पुनः निर्माण कार्यमा उनीहरुलाई संलग्न गराउँदा चाँडै नै पुनः निर्माण कार्य सम्पन्न हुने बताएका थिए ।

भेटमा नेपालको संविधान संशोधनलगायत दुई देशबीचको आपसी सम्बन्धका विषयमा समेत छलफल भएको काँग्रेस केन्द्रीय कार्यालयका मुख्य सचिव कृष्णप्रसाद पौडेलले जानकारी दिए ।

भेटमा सभापति देउवाले संविधानको कार्यान्वयनका लागि मधेसवादी दललगायत अन्य संसद्मा रहेका राजनीतिक दलसँग संविधान संशोधनका विषयमा छलफल अगाडि बढिसकेको र संशोधित संविधान सबैलाई स्वीकार्य हुने विश्वास व्यक्त गरे ।

भारतीय प्रधानमन्त्री मोदीले नेपाली एकजुट भएको खण्डमा नेपालले दिगो शान्ति, विकास र समृद्धि प्राप्त गर्ने कुरामा आफू विश्वस्त रहेको बताए ।

सभापति देउवाले सोमबार साँझ राष्ट्रिय सुरक्षा सल्लाकार अजित डोभाललाई उनकै निवासमा भेट गरेका थिए ।

इन्डिया फाउन्डेसन, गोवाको निमन्त्रणामा प्रमुख अतिथिका रुपमा सभापति देउवा यही कात्तिक १९ गते भारत प्रस्थान गरेका थिए । उनी बुधबार अपराह्न १२ः४० बजे काठमाडौँ फर्कने कार्यक्रम रहेको छ । रासस

Nepal Investment bank
Nepal Investment bank
मंगलबार, कात्तिक २३, २०७३ मा प्रकाशित
TATA Landing
TATA Landing
प्रतिक्रिया दिनुहोस्