राजनीति
चिकित्सा विज्ञान राष्ट्रिय प्रतिष्ठानको नाम परिवर्तन गरिने, मनमोहन अधिकारी प्रतिष्ठान बनाउने सिनेटको निर्णय
काठमाडौं । चिकित्सा विज्ञान राष्ट्रिय प्रतिष्ठानको नाम परिवर्तन गरिने भएको छ । सरकार र डा. गोविन्द केसीबीच भएको सम्झौता अनुसार चिकित्सा विज्ञान राष्ट्रिय प्रतिष्ठानको नाम परिवर्तन गरेर मनमोहन अधिकारी चिकित्सा विज्ञान राष्ट्रिय प्रतिष्ठान बनाउने निर्णय भएको हो ।
सिनेटको आज बसेको बैठकले यस्तो निर्णय गरेको स्वास्थ्यमन्त्री गगन थापाले जानकारी दिए । सिनेटले गरेको निर्णय अनुसार नाम परिवर्तनका लागि ऐन संशोधनको प्रक्रिया अघि बढाउन स्वास्थ्य मन्त्रलायललाई लेखि पठाउने निर्णय भएको छ ।
डा. गोविन्द केसीसँग भएको सम्झौता अनुसार प्रस्तावित मनमोहन मेडिकल खरिदका लागि अब बाटो थप सहज हुनेछ । “मनमोहन अधिकारी चिकित्सा विज्ञान राष्ट्रिय प्रतिष्ठान बनाउन स्वास्थ्यमन्त्रालयलाई लेखि पठाउने भन्ने निर्णय भएको छ,” थापाले बाह्रखरीसँग भने । स्वास्थ्यमन्त्री थापाले यसअघि मनमोहन मेडिकल कलेजका संचालकहरुलाई बोलाएर सरकारले गर्न लागेको निर्णयका बारेमा पनि जानकारी गराएका थिए ।
तर प्रस्तावित मनमोहन मेडिकल कलेज सञ्चालकहरु बेच्न तयार भने भएका छैनन् । यसअघि बसेको मन्त्रिपरिषद् बैठकले संसद्मा विचाराधिन अवस्थामा रहेको मनमोहन अधिकारी स्वास्थ्य विज्ञान प्रतिष्ठान सम्बन्धी विधेयक फिर्ता लिने निर्णय गरेको थियो ।
प्रकाशित मिति: शनिबार, असोज ८, २०७३ १७:४४
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
विचार
अन्तर्वार्ता
-1749010126.jpg)
ब्लग
