काठमाडौं । संघीय संसद्अन्तर्गत आज पाँचवटा संसदीय समितिको बैठक बस्दै छ ।
अर्थ समितिको बैठकमा समितिको वार्षिक प्रतिवेदनको मस्यौदामाथि आन्तरिक छलफल हुनेछ । बैठक बिहान ११ बजे बस्नेछ ।
अन्तर्राष्ट्रिय सम्बन्ध र पर्यटन समितिको बैठकमा नेपाल पर्यटन बोर्डको हालसम्मको अवस्था, कार्यप्रगति र चुनौती तथा आगामी कार्ययोजनाबारे सम्बन्धित मन्त्रालय र बोर्डसँग छलफल गर्ने कार्यसूची छ ।
बैठक बिहान ११ बजे बस्नेछ ।
कानुन, न्याय तथा मानव अधिकार समितिको बैठकमा नेपाल कानुन व्यवसायी परिषद् (दोस्रो संशोधन) विधेयक, २०८१ को सम्बन्धमा संशोधन प्रस्तावकर्तासँग छलफल हुनेछ ।
बैठक बिहान ११ बजेका लागि बोलाइएको छ ।
महिला तथा सामाजिक मामिला समितिको बैठक पनि आजै बस्दै छ । बैठक दिउँसो २ बजे बस्नेछ ।
बैठकमा समितिको कामकारबाहीबारे छलफल हुनेछ ।
पूर्वाधार विकास समितिको बैठक बिहान ११ बजे बस्नेछ । बैठकमा मध्यपहाडी राजमार्गको जाजरकोट खण्ड र भेरी नदीको पुलका विषयमा छलफल हुनेछ ।
-1749010126.jpg)
