काठमाडौँ । प्रधानमन्त्री शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच ‘वान टु वान’ वार्ता जारी छ ।

सत्ता गठबन्धनमा रहेका दुई नेताहरूबीच अहिले प्रधानमन्त्री निवास बालुवाटारमा बैठक जारी रहेको बालुवाटार स्रोतले जानकारी दियो ।

माओवादी केन्द्र संसदीय दलको बैठक सकेर अध्यक्ष प्रचण्ड प्रधानमन्त्री देउवालाई भेट्न बालुवाटार पुगेका हुन् । बैठकले एमसीसी जबर्जस्ती आजको संसद्मा टेबल गरिए सत्ता गठबन्धन तोड्ने चेतावनी दिइसकेको छ । स्रोतका अनुसार अहिले सोही विषयमा छलफल भइरहेको छ ।