काठमाडौं । सरकारले लिम्यिाधुरा, लिपुलेक र कालापानी लगायतका भूभागमा भारतलाई एक पक्षीय रूपमा सडक निर्माण नगर्न आग्रह गर्दै आएको जनाएको छ ।

सञ्चारमन्त्री तथा सरकारका प्रवक्ता ज्ञानेन्द्रबहादुर कार्कीले सरकाले ती भूभाग नेपालको भएकाले एकपक्षीय सडक निर्माण नगर्न आग्रह गर्दै आएको र दुई देशबीचको सीमा समस्या कूटनीतिक माध्यमबाट गर्न प्रतिबद्ध रहेको बताए ।

“दुई देशबीचको सिमा समस्याको समाधान ऐतिहासिक सन्धि, सम्झौता, तथ्य, नक्सा र प्रमाणको आधारमा कूटनीतिक माध्यमबाट गर्न नेपाल सरकार प्रतिबद्ध रहि आएको छ,” सरकारका निर्णय सार्वजनिक गर्न आयोजित कार्यक्रममा उनले भने ।