पोखरा । जनता समाजवादीले गण्डकी प्रदेशमा दुई मन्त्री नपाएपछि सरकारमा जाने नजाने विवाद देखिएको छ ।

जनता समाजवादी पार्टीका हरिशरण आचार्यको शपथको तयारी गरिएको थियो । तर अर्का सांसद धनमाया पोखरेल लामाका अनुसार यसअघि दुईजना मन्त्री दिने सहमति भएको थियो ।

“हाम्रो माग दुवैजनाको शपथ सँगै गरौँ भन्ने थियो, उहाँहरुले आज एकजनाको गरौँ भन्नुभयो,” उनले भनिन्, “त्यसमा कुरा नमिलेपछि आज शपथ नगर्ने निर्णय गरेका हाँै । कुरा मिल्यो भने पछि शपथ ग्रहण गर्नेछौँ ।”

तर आचार्यले आफू सरकारमा सहभागी हुने र शपथ पनि लिने बताएका छन् ।