काठमाडौं । काठमाडौं रेजर्स पहिलो संस्करणको नेपाल सुपर लिग (एनएसएल) को प्लेअफमा प्रवेश गरेको छ ।
फ्रेन्चाईज फुटबल प्रतियोगिताको फाइलन प्रवेश गर्ने क्रममा बिहीबार भएको रोमाञ्चक खेलमा विराटनगर सिटी एफसीलाई ५–४ गोल अन्तरले पराजित गरको हो ।
यो जितसँगै काठमाडौंले प्लेअफमा स्थान पक्का गरेको छ । त्रिपुरेश्वरस्थित दशरथ रंगशालामा काठमाडौंलाई जित दिलाउन मेसौके ओलोमोउले ह्याट्रिक गोल गरे ।
यस्तै स्टेफेन बिनोङ र छिरिङ गुरुङले एक–एक गोल गरे । यता विराटनगरका पेड्रो मान्जीले दुई गोल फर्काए । त्यस्तै एडिलाजा सोमिडे र रन्जित धिमालको नाममा एक-एक गोल गरे ।
प्रतियोगिताकै रोमान्चक खेलमा दुई गोलको अग्रता उल्टाएर काठमाडौंले उत्कृष्ट जित निकालेको थियो ।
जितसँगै काठमाडौंले ५ खेलमा १० अंक जोडेर दोस्रो स्थानमा उक्लिएको छ ।
यससँगै काठमाडौं प्लेअफमा पुग्ने दोस्रो टिम बनेको छ । यस अघि धनगढी प्लेअफ पुगिसकेको छ ।
पराजित विराटनगरले ५ खेलमा ७ अंक जोडेको छ । विराटनगर तेस्रो स्थानमा रहेको छ ।