बाह्रखरी
भर्खरै
sticky  ncell
प्रविधि प्रतिक्रिया दिनुहोस्
नयाँ अन्तरिक्ष केन्द्र बनाउँदै चीन, गर्‍यो पहिलो मोड्युल प्रक्षेपण
बाह्रखरी - बिहीबार, वैशाख १६, २०७८
Laxmi Bank
Laxmi Bank

बेइजिङ । आफ्नै नयाँ अन्तरिक्ष केन्द्र बनाउन लागेको चीनले केन्द्रको पहिलो मोड्युल (मुख्य भाग) प्रक्षेपण गरेको छ । अन्तरिक्षयात्रीका लागि बस्ने स्थान रहेको टियान्हे मोड्युल चीनले वेनच्याङ अन्तरिक्ष केन्द्रबाट प्रक्षेपण गरेको बीबीसीले जनाएको छ ।

अहिले पृथ्वीको परिक्रमा गरिएको एक मात्र अन्तरिक्ष केन्द्र अन्तर्राष्ट्रिय अन्तरिक्ष केन्द्र (आईएसएस)हो । जसको प्रयोगमा चीन वञ्चित रहँदै आएको छ । रुस, अमेरिका, क्यानडा, युरोप र जापानले संयुक्त रुपमा यसको निर्माण गरेका थिए । सन् २०२४ देखि आईएसएसको आयु सकिँदै छ ।

Rohto Landing

Agani Group

सन् २०२२ सम्ममा अन्तरिक्ष केन्द्र सञ्चालनमा ल्याउने लक्ष्यसहित चीनले काम गरिरहेको छ । ६६ टन तौलको यो यान कम्तीमा १० वर्षका लागि सञ्चालनमा रहने जनाइएको छ । अन्तरिक्ष अन्वेषणमा चीनले निकैपछि मात्र हात हालेको हो । रुस र अमेरिकापछि सन् २००३ मा मात्र चीनले पहिलोपटक अन्तरिक्ष यान पठाएको हो ।

चीनले अहिले प्रक्षेपण गरेको यो पहिलो मोड्युलको लम्बाइ १६.६ मिटर र चौडाइ ४.२ मिटर रहेको जनाइएको छ । केन्द्र निर्माण गर्न आवश्यक पर्ने अन्य उपकरणसहित कम्तीमा अन्य १० प्रक्षेपण छिट्टै गर्ने चीनले जनाएको छ । पृथ्वीको ३४० देखि ३५० किलोमिटरको उचाइबाट अन्तरिक्ष केन्द्रले परिक्रमा गर्ने्छ ।

sarbottam cement

आईएसएसको आयु सकिनै लाग्दा रुसले समेत सन् २०२५ सम्ममा आफ्नै अन्तरिक्ष केन्द्र सञ्चालनमा ल्याउने तयारी गरेको छ ।

Nepal Investment bank
Sunrise bank
Nepal Investment bank
Sunrise bank
बिहीबार, वैशाख १६, २०७८ मा प्रकाशित
Dishhome
Dishhome
प्रतिक्रिया दिनुहोस्