काठमाडौं । त्रिकोणात्मक टी–ट्वान्टी क्रिकेट सिरिजअन्तर्गत अहिले नेपाल र नेदरल्यान्ड्सले प्रतिस्पर्धा गरिरहेका छन् ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा नेपालले दिएको २०७ रनको बलियो लक्ष्य पछ्याइरहेको नेदरल्यान्ड्सले आफ्नो पहिलो विकेट गुमाएको छ ।
नेपालका लागि सन्दीप लामिछानेले पहिलो विकेट लिए । सन्दीपले दोस्रो ओभरको तेस्रो बलमा म्याक्स ओ’डोडलाई एलबीडब्लु आउट गराएका हुन् । ओ’डोड ९ रन बनाएर आउट भए ।
यसअघि, टस जितेर पहिला ब्याटिङ गरेको नेपालले निर्धारित २० ओभरमा ६ विकेट गुमाउँदै २०६ रन बनाएको थियो ।
आजको खेलमा नेपाल जित निकाल्दै फाइनलमा पुग्ने योजनामा छ । नेपाल यसअघिका दुई खेलमा विजयी भएको थियो ।
प्रतिक्रिया दिनुहोस्
1620015520.JPG)
