बाह्रखरी
sticky  ncell
Samsung
coke
British college
Samsung
coke
British college
खेल प्रतिक्रिया दिनुहोस्
Jagadamba Group
Jagadamba Group
श्रीलंकन पुलिसविरुद्धको खेलमा सहज जित निकाल्ने आर्मीको योजना
बाह्रखरी - मंगलबार, चैत २४, २०७७
Laxmi Bank
Laxmi Bank
Godraj nepal
Godraj nepal

काठमाडौं । त्रिभुव आर्मी फुटबल क्लबले एएफसी कप–२०२१ प्ले अफमा भोलि (बुधबार) श्रीलंका पुलिस स्पोर्ट्स क्लबसँग प्रतिस्पर्धा गर्दैछ । नेपालको एक मात्र एएफसी लाइसेन्स प्राप्त आर्मीले श्रीलंकन पुलिससँग खेल्न लागेको हो ।

त्रिपुरेश्वरस्थित दशरथ रंगशालामा आर्मीले श्रीलंका पुलिस टिमसँग खेल्नेछ । दुई टोलीबीचको खेल साँझ साढे ५ बजे सुरु हुनेछ ।

आर्मी आफ्नो पहिलो खेलमा सहज जित निकाल्ने योजना भएको बताएको छ । पहिलोपटक एएपmसी कपको प्रारम्भिक छनोट खेल्न लागेको आर्मीले घरेलु मैदानमा आफूलाई प्रमाणित गर्ने बताएको छ । 

Agani Group

आर्मीका मुख्य प्रशिक्षक नविन न्यौपानेले खेलाडीहरू पूर्ण रूपमा फिट भएकाले आफ्नो टिमले उत्कृष्ट प्रदर्शन गर्ने बताए । एएफसीको लाइसेन्स प्राप्त गरिसकेपछि नै आफूहरूले तयारी गरिरहेको बताउँदै उनले टिमको प्रदर्शन सम्झन लायक हुने दाबी गरे । 

“प्रतियोगिताका लागि हामीले लामो समयदेखि तयारी गरिरहेका छौं । पहिलोपटक ठूलो प्रतियोगिता खेल्न लागेकाले खेलाडीहरू उत्साहित छन् । सबै खेलाडी फिट छन्,” नौपानेले प्रिम्याच कन्फ्रेन्समा भने । 

sarbottam cement

उनले त्रिदेशीय फुटबलको उपाधि नेपालले जितेसँगै समर्थकमा निकै उत्साह भएको बताए । अर्को खेल जितेर नेपालीहरूलाई नयाँ खुसी दिने आफूहरूको योजना रहेको उनको भनाइ छ । “जित नै हाम्रो मुख्य लक्ष्य हो । बराबरी खेल्ने पनि हामीलाई छुटकरा छैन्,” उनले भने, “एएफसी कपको समूह चरणमा पुग्ने हाम्रो लक्ष्य छ त्यसका लागि हामीले उत्कृष्ट प्रदर्शन गर्न आवश्यक छ । जसमा म मेरो टोलीप्रति विश्वास गर्छु ।”

पहिलो खेलमा श्रीलंकाको पुलिसलाई हराएमा आर्मीले दोस्रो खेलमा भारतको बेंगलुरु फुटबल क्लबसँग खेल्नेछ । उक्त खेल अप्रिल १४ मा हुनेछ । भारतको बेंगलुरुलाई पराजित गरेको खण्डमा आर्मीले यही अप्रिल २१ मा हुने प्ले अफको फाइनल खेल खेल्नेछ । सो खेलको विजेताले समूह चरणको समूह ‘डी’ मा स्थान बनाउने छ । 

यता कप्तान भरत खवास पनि अन्तर्राष्ट्रिय फुटबलमा आफूहरूको पहिचान बनाउन यो प्रतियोगिता महत्वपूर्ण भएको बताउँछन् । प्रतियोगिताका लागि खेलाडीले राम्रो तयारी गरेकाले जित निकाल्ने कुरामा आफू विश्वस्त रहको उनको भनाइ छ । 

“अन्तर्राष्ट्रिय स्तरसम्म आफ्नो पहिचान बनाउन यो प्रतियोगिता हाम्रो लागि महत्वपूर्ण छ । प्रतियोगितामा उत्कृष्ट प्रदर्शन गर्न सकेमा हामीलाई यस्ता खालका अवसरहरू धेरै आउनेछन्,” भरतले भने । 

उनले आफूले त्रिदेशीय फुटबलमा धेरै खेल्ने मौका नपाएकाले यो खेलमा आफूलाई प्रमाणित गर्ने अवसर रहेको पनि बताए । यो खेलले आफू लगायत राष्ट्रिय टोलीमा अवसर नपाएका खेलाडीलाई राम्रो अवसर दिने उनको विश्वास छ ।

यता श्रीलंका पुलिसका प्रशिक्षक झिलाउ अल्पेन्सुले छोटो तयारी भएपनि आफूहरूको टिम राम्रो रहेको बताए । उनले आफ्नो टोलीमा राष्ट्रिय टिमका कुनै खेलाडी नभएकाले आर्मीसँगको खेलमा केही फरक रणनीति अपनाउनुपर्ने बताए । उनले टिममा तीन विदेशी खेलाडी रहेको बताए । 

“हामीले तयारीका लागि लामो समय पाएनौं । छोटो समयका तयारीका बाबजुत पनि हामी खेलमा आएका छौं,” प्रशिक्षक अल्पेन्सुले भने, “टिममा तीन विदेशी खेलाडी भएकाले हामीलाई केही राहत मिल्नेछ । आर्मी बलियो टोली हो । आर्मीसँगको खेलमा हामी कुनै कमजोरी गर्ने छैनौं ।” 

श्रीलंका पुलिसका कप्तान चामिक कुमाराले नेपालमा खेल्न पाउँदा आफूलाई खुसी लागेको बताए । उनले नेपालमा समर्थकहरूको राम्रो माहोल रहेकाले नेपाली मैदानमा खेल्नकाे लागि आफूहरू उत्साहित भएको बताए ।

Nepal Investment bank
Sunrise bank
Nepal Investment bank
Sunrise bank
मंगलबार, चैत २४, २०७७ मा प्रकाशित
TATA Landing
TATA Landing
प्रतिक्रिया दिनुहोस्