काठमाडौं । एमभी दुगडले नेपाली बजारमा पियाजियोको एप्रिलिया एसएक्सआर १६० सार्वजनिक गरेको छ । पियाजियो र एमभी दुगड ग्रुपले नयाँ डिजाइन भाषाअन्तर्गत डिजाइन गरिएको पहिलो स्कुटर घोषणा गरेका हुन् ।
प्रिमियम स्कुटर एप्रिलिया एसएक्सआर १६० को मूल्य चार लाख नौ हजार नौ सय रुपैयाँ कायम गरिएको हो । कार्यक्रममा पियाजियो इन्डियाका अध्यक्ष र प्रबन्ध निर्देशक डिएगो ग्राफी, वरिष्ठ उपाध्यक्ष सुधांशु अग्रवालका साथमा एमभी दुगड ग्रुपका अध्यक्ष मोतीलाल दुगड, उपाध्यक्ष विवेक दुगड, भाइस प्रेसिडेन्ट विजय महतोले स्कुटर सार्वजनिक गरे ।
एप्रिलिया एसएक्सआर १६० ले एप्रिलियाको सबैभन्दा नयाँ ग्लोबल डिजाइन भाषा समावेश गरेको छ । स्कुटरमा सिंगल सिलिन्डर, फोर स्ट्रोक, एयर-कुल्ड, ३ भल्भ फ्युल इन्जेक्सन (एफआई), कम कार्बन इमिसन इन्जिन टेक्नोलोजी (बीएसभीआई) को इन्जिन छ जसले ७१०० आरपीएममा ११ पीएसको पिकपावर उत्पादन गर्छ । उत्तम सवारी अनुभव र उच्चस्तरको आराम प्रदान गर्न ठूलो, लामो, आरामदायी र एर्गोनोमिक सिट दिइएको छ ।
स्कुटर १२ भोल्ट ब्याट्रीको साथ र ७ लिटर इन्धन क्षमता छ । एप्रिलिया एसएक्सआर १६० ३ कोट एचडी बडी पेन्ट फिनिस, अप्रिलिया फिचर ग्राफिक्स, म्याट कालो डिजाइन सम्मिलित डार्क क्रोम एलिमेन्टसको साथ उपलब्ध गराइएको छ । एलईडी टेक्नोलोजी ट्विन्ट क्रिस्टल हेड लाइट र आइलाइन पोजिसन लाइटको साथ मर्ज भएको फ्रन्ट इन्डिकेटर ब्लिन्कर्सले अद्वितीय प्रकाश सिर्जना गर्ने बताइएको छ ।
डाइमन्ड रिफ्लेक्सन एलईडी टेललाइटको साथ एकीकृत रियर ब्लिन्कर्स भएको एप्रिलिया एसएक्सआर १६० ले नयाँ पुस्ताको आवश्यकता पूर्ति गर्ने कम्पनीको दाबी छ । स्कुटरमा एन्टी-लक ब्रेकिङ सिस्टम राखिएको छ जो भेन्टिलेटेड डिस्क ब्रेक र ट्विन्स पोट क्यालिपर्स हाइड्रोलिक ब्रेकको साथ आउँछ । एप्रिलिया एसएक्सआर १६० ग्लसी रेड, म्याट ब्ल्यू, ग्लसी ह्वाइट र म्याट ब्ल्याक रङमा उपलब्ध हुनेछ ।
