site stats
बाह्रखरी :: Baahrakhari
देश
Nabil BankNabil Bank
Sarbottam CementSarbottam Cement
‘सडक विस्तारका नाममा अन्यायपूर्ण तरिकाले विस्थापित बनाइयो’
Ghorahi CementGhorahi Cement

काठमाडौं । सडक विस्तारका नाममा अन्यायपूर्ण तरिकाले विस्थापित गराइएको भन्दै पीडितहरुले विरोध प्रदर्शन गरेका छन् ।

बृहत् नागरिक समाज, बृहत् नागरिक आन्दोलन, उपत्यकाव्यापी सडक संघर्ष समिति र नेवाः देः दबुलगायतका विभिन्न संघ-संस्थाहरुको आयोजनामा शुक्रबार माइतीघर मण्डलमा विरोध प्रदर्शन गरिएको हो । सडक विस्तारको नाममा काठमाडौंका आदिवासी नेवारहरुलाई विस्थापित गरिएको र सभ्यताको समेत विनाश भइरहेको भन्दै त्यसविरुद्ध आन्दोलन गरिएको अभियान्ता राजेन्द्र महर्जनले बताए ।

Agni Group

बालाजु बाइपासमा रहेका ४८ घरधुरीलाई सरकारले अन्यायपूर्ण रुपमा विस्थापित गराएको पीडितहरुको भनाइ छ । सर्वोच्च अदालतको अन्तरिम आदेशसमेत नमानेर बिनामुआब्जा, बिनाक्षतिपूर्ति सरकारले घर भत्काएको पीडितहरुको आरोप छ । 

घर भत्काउने सरकारको कामको विरोध गर्दा घरधनी तथा अभियन्ताहरुलाई प्रहरीले हिरासतमा लिएको भन्दै उनीहरुको रिहाको मागसहित कानुनी राज्यको माग गर्दै आन्दोलन गर्नुपरेको उपत्यकाव्यापी सडक पीडित संघर्ष समिति सदस्य विद्या श्रेष्ठले बताइन् ।

Global Ime bank

मातृभाषा बोलेकै कारण बालाजु बाइपासका बासिन्दालाई प्रहरीले धरकपड गरी नियन्त्रणमा लिएको नेवाः देः दबुः का अध्यक्ष नरेश ताम्राकारले बताए । सरकारले सर्वोच्च अदालतको अन्तरिम आदेशलाई समेत लत्याएर घरहरु भत्काएको बताए ।

वर्षौंदेखि सरकारी निकायसँग सिफारिस लिई बनाएको घर तथा कानुनी रुपमा पनि आफूहरुको जित भए पनि राजनीतिक कारण आफूहरुको घर भत्काइएको पीडित श्यामकृष्ण मानन्धरले बताए ।

प्रहरी नियन्त्रणमा भएका घरधनी तथा अभियन्ताहरु रिहा नभए र विस्थापित भएका परिवारहरुबारे न्यायिक निरुपण नहुन्जेलसम्म आन्दोलन जारी राख्ने आयोजकको भनाइ छ । विकासको नाममा जारी प्रतिगमनविरुद्ध प्रतिरोधको ब्यानरमा भएको विरोध प्रदर्शनमा मापदण्ड ७-७ मिटर छुट्याई आफ्नो स्वबासी प्रमाणित जग्गामा घर बनाएर बसोबास गर्न पाउनु हाम्रो नैसर्गिक अधिकार होलगायत प्लेकार्ड तथा ब्यानरसमेत प्रदर्शन गरिएको थियो ।

NIBLNIBL
प्रकाशित मिति: शुक्रबार, फागुन १४, २०७७  १८:३१
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC