बाह्रखरी
भर्खरै
sticky  ncell
बाह्रखरी गल्फ प्रतिक्रिया दिनुहोस्
Jagadamba Group
Jagadamba Group
एनसेल बाह्रखरी गल्फको उपाधि पूर्वसचिव कार्कीलाई
बाह्रखरी - शनिबार, माघ २४, २०७७
Laxmi Bank
Laxmi Bank

काठमाडौं । नेपालको पर्यटन प्रवर्द्धनको मुख्य उद्देश्यसहित आयोजित एनसेल बाह्रखरी गल्फको उपाधि पूर्वसचिव अर्जुन कार्कीले हात पारेका छन् ।  पोखराको हिमालयन गल्फ कोर्समा भएको आमन्त्रण गल्फ प्रतियोगितामा उनले ३५ स्कोर गर्दै उपाधि हात पारेका हुन् । 
प्रतियोगितामा विजयी कार्कीले सुनको बलसहित ट्रफी हात पारेका थिए ।

No description available.

उनका निकटतम प्रतिद्वन्द्वी भारतीय खेलाडी रवीन्दर साइनी, एआईजी हरिबहादुर पाल र वसन्त गौचनले ३३ स्कोर गरेका थिए ।

Rohto Landing

Agani Group

जसमध्ये साइनीले काउन्ट ब्याकमा उपविजेताको ट्रफी हात पारे । उपविजेताको उपाधि हात पार्न साइनीले दोस्रो हाफमा १९ स्कोर गरे । जहाँ पालले १७ र गौचनले १५ स्कोर गरेका थिए ।

‘एनसेल बाह्रखरी गल्फ’को उपाधि कार्कीले जिते (१५ तस्बिर)

बेस्ट ग्रसको उपाधि सुरेन्द्र फुयाँलले हात पारे । त्यसको निम्ति उनले २८ ग्रस पोइन्ट हासिल गरेका थिए । 

sarbottam cement

महिलातर्फको स्पर्धामा रेखा घिमिरे २३ अंक प्राप्त गर्दै विजयी बनिन् । जसमा पोर्जुगलका खेलाडी सोफी ह्यामनले १८ स्कोर गरेर दोस्रो भइन् ।

No description available.

६० वर्षमाथिका खेलाडीको स्पर्धामा टेन्डी शेर्पा ३० अंक बटुलेर विजयी भए ।

पोखराका खेलाडी रमेश गुरुङले तीनवटा बडिज प्रहार गर्दै मोस्ट बडीजतर्फको उपाधि हात पारे । त्यस्तै क्याप्टेन नोर्बु छिरिङ शेर्पाले लङ्गेस्ट डइभको उपाधि जिते । चौथो होलमा राखिएको होल इन वान कारको उपहार प्राप्त गर्न प्रतियोगिताका ७४ खेलाडी सफल हुन सकेनन् । तथापी क्लोजेस्ट टु द पिनको उपाधि पोखराका खेलाडी बलराम थापाले हात पारे । उनी होल इन गर्नबाट ६ इञ्चको दुरीबाट चुकेका थिए ।
यो एक दिवसीय प्रतियोगिता १८ होल स्टेबल फोर्ड फर्म्याटमा तीन चौथाइ ह्यान्डीक्यापमा खेलाइएको थियो ।

No description available.

No description available.

नेपाली सेनाका प्रधान सेनापति पूर्णचन्द्र थापाले उद्घाटन गरेको प्रतियोगितामा विजयी खेलाडीलाई गण्डकी प्रदेशका मुख्यमन्त्री पृथ्वी सुब्बा गुरुङको अध्यक्षता र संस्कृति, पर्यटन तथा नागरिक उड्डयन मन्त्री भानुभक्त ढकालको प्रमुख आतिथ्यमा सम्पन्न भएको थियो ।

No description available.

समापन समारोहमा मुख्य मन्त्री गुरुङले प्रतियोगिताले पोखरामा आफूहरुलाई पर्यटकको सम्भावनालाई उत्कृष्ट बनाउन सफल भएको बताए । साथै बाह्रखरीले पोखराको पर्यटनमा नयाँ आयाम ल्याएको उनले बताए ।

“पर्यटकको आगमनको प्रतिक्षामा थियौँ । यसै समयमा बाह्रखरीले पर्यटन प्रवर्द्धन गर्ने उद्देश्यका साथ प्रतियोगिता आयोजना गर्यो । यसलाई हामीले सहजै रुपमा स्वीकार गर्यौँ । कोरोनाका कारण थला परेको पर्यटन क्षेत्रलाई उकास्न एनसेल बाह्रखरी गल्फले ठूलो भूमिका  खेलेको छ, नेपालको पर्यटन प्रवर्द्धनका लागि एनसेललगायतका कर्पोरेट संस्थाहरुको सहयोग रहेको छ । म उहाँहरुलाई धन्यवाद ज्ञापन गर्न चाहन्छु,” गुरुङले भने ।

उनले बाह्रखरीले गरेको कार्यक्रमले पोखराको पर्यटन प्रवर्द्धनमा सहयोग पुगेको बताउँदै अब आउँदो प्रतियोगिता मनाङमा गर्न अनुरोध गरेका थिए । 

यस्तो खाले प्रतियोगिताले पर्यटन क्षेत्रमा राहत मिल्ने भएकाले फरक–फरक क्षेत्रमा प्रतियोगिता गर्न सुझाव दिएका थिए ।

मन्त्री गुरुङले कार्यक्रमका लागि सहयोग गर्ने एनसेललगायतका कर्पोरेट संस्थाहरुलाई धन्यवाद ज्ञापन गरेका थिए । त्यस्तै पर्यटन मन्त्री भानुभक्त ढकालले ‘एनसेल बाह्रखरी गल्फ’ले पर्यटन क्षेत्रको प्रर्वद्धन गर्न भूमिका खेलेको बताए । 

पर्यटन प्रवर्द्धन गर्नका लागि यस्ता खालका गतिविधि आवश्यक रहेको बताउँदै उनले पर्यटन क्षेत्र सुरक्षित छ भन्ने सन्देश दिन गल्फ प्रतियोगिता सफल भएको बताए ।

“सरकारले आफ्नो क्षमताले भ्याएसम्म व्यवसायीहरुलाई राहत दिइरहेको छ । पर्यटनसँग सम्बन्धित गतिविधि बढाएर आन्तरिक पर्यटकलाई आकर्षित गर्न व्यवसायीहरुले पनि आफ्नो तर्फबाट भूमिका खेल्नु पर्छ,” ढकालले भने ।

मन्त्री ढकालले पनि एनसेललगायतका कर्पोरेट क्षेत्रको सहयोगमा कार्यक्रम गर्न सफल भएको भन्दै बाह्रखरीलाई धन्यवाद ज्ञापन गरेका थिए ।

“सरकारले गर्नुपर्ने काम एउटा मिडिया संस्थाले गरेको छ । यस कार्यक्रम सफल बनाउनका लागि एनसेलले सहयोग गरेको छ । म आवद्ध सबैलाई धन्यवाद दिन चाहन्छु,” ढकालले भने ।

समापान समारोहमा आफ्ना धारणा राख्दै एनसेलका प्रमुख कार्यकारी अधिकृत एन्डी चोङ्गले बाह्रखरीसँगको सहकार्यले पर्यटन प्रवर्द्धनका लागि सहयोग गर्न पाउँदा आफूलाई खुसी लागेको बताए ।

विगतका वर्षहरुझैँ यो वर्ष पनि बाह्रखरीले कोभिड १९ को महामारीले असर गरेको बेलामा कार्यक्रम गर्ने साहस देखाएको भन्दै प्रशंसा गरेका थिए ।

“बाह्रखरीले हरेक वर्ष हामीसँग सहकार्य गर्दै सफलतापूर्वक गल्फ प्रतियोगिता आयोजना गर्छ । यो वर्ष यस्तो अवस्थामा गल्फ गर्ने साहस देखाएकोमा हामी खुसी छौँ । यो कुरालाई हामी सबैले प्रोत्साहन गर्नुपर्छ,” चोङ्गले भनेका थिए ।

यस्तै बाह्रखरी मिडियाका अध्यक्ष प्रतीक प्रधानले गल्फ प्रतियोगिता आयोजना गर्न प्रमुख प्रायोजक एनसेलसहित अन्य सहयोगी कर्पाेरेट संस्थाहरुलाई धन्यवाद दिएका थिए । 

पर्यटन क्षेत्रको प्रवर्द्धनका लागि नै पोखरामा गल्फ प्रतियोगिता आयोजना गरिएको भन्दै उनले यसले पोखरासहित नेपालको पर्यटन क्षेत्रको प्रवर्द्धनमा योगदान पुर्याउने विश्वास व्यक्त गरे ।

कार्यक्रममा उपस्थित पाहुनाका लागि बाह्रखरी मिडियाका प्रबन्ध निर्देशक ज्ञानेश्वर आचार्यले धन्यवाद ज्ञापन गरेका थिए । कार्यक्रमको सञ्चालन दीपक आचार्यले गरेका थिए । 

विभिन्न स्पर्धामा विजयी खेलाडीहरुलाई सशस्त्र प्रहरी बल नेपालका महानिरीक्षक सैलेन्द्र खनाल, वरिष्ठ कलाकारद्वय मदनकृष्ण श्रेष्ठ र हरिवंश आचार्य, अभिनेतृ मनिषा कोइराला, मिस नेपाल नम्रता श्रेष्ठले सम्मान गरेका थिए ।

कोभिड–१९ ले संसारभरकै पर्यटन क्षेत्रलाई आक्रान्त पारेको वर्तमान अवस्थामा नेपालको पर्यटन क्षेत्र पनि अछुतो नरहेको र नेपालको पर्यटकीय राजधानी पोखराको पर्यटनमा नवीन ऊर्जा सञ्चार गराउनसके यसले सम्पूर्ण पर्यटन क्षेत्रलाई नै उत्साहित र सकारात्मक गति दिने विश्वासका साथ यो वर्ष पोखरामा ‘एनसेल बाह्रखरी गल्फ’ आयोजना गरिएको हो ।

प्रतियोगितामा काठमाडौं, पोखरा, विराटनगर, वीरगञ्ज, चितवन, भैरहवा, नेपालगञ्ज र धनगढीका कर्पोरेट लिडर तथा गल्फ खेलाडीको सहभागिता रहेको थियो । गल्फरबाहेकका पाहुनाका लागि अल्ट्रालाइट, प्याराग्लाइडिङ, जीप फ्लाइङ, बन्जी जम्पिङ्, र्‍याफ्टिङ, क्यानोनिङ र डुंगा सयरको व्यवस्था गरिएको थियो ।

त्यस्तै पोखरामा आन्तरिक पर्यटन र पर्यटनको पुनरुत्थानप्रति विशेष जागरुकता फैलाउने उद्देश्यले शुक्रबार साइकल र्‍याली आयोजना गरिएको थियो ।

र्‍यालीको पोखराका मेयर मानबहादुर केसीले उद्घाटन गरेका थिए ।

एनसेल प्रमुख प्रायोजक रहेको गल्फ प्रतियोगितामा खेलाडीसहित चार सय बढी  पाहुना सम्मिलित थिए । 

प्रतियोगितामा उपस्थित पाहुनाका लागि १६ वटाभन्दा बढी होटलमा बस्ने व्यवस्था गरिएको छ भने रेष्टुरेन्ट एवम् बार एशोसिएसन पोखरासँग आवद्ध २५ बढी रेष्टुरेन्टमा बाह्रखरीका पाहुनाका लागि विशेष छुटको व्यवस्था गरिएको थियो ।

एनसेल प्रमुख प्रायोजक रहेको बाह्रखरी गल्फको यो प्रतियोगितामा नेपाल पर्यटन बोर्ड, गण्डकी प्रदेश सरकार तथा पोखरा महानगरपालिकाको सहकार्य रहेको थियो ।

अन्य प्रायोजकमा डिसहोम, भाटभटेनी सुपरमार्केटस्, नेपाल इन्भेष्टमेन्ट बैंक लिमिटेड, काल्र्सबर्ग, सिभास रिगल, हुन्ड्याई मोटर्स, र आईएमई रहेका थिए ।
बाह्रखरी मिडिया प्रतियोगिताको प्रमुख आयोजक रहेको थियो ।

No description available.

No description available.

No description available.

No description available.

No description available.

No description available.

No description available.

No description available.

 

Nepal Investment bank
Sunrise bank
Nepal Investment bank
Sunrise bank
शनिबार, माघ २४, २०७७ मा प्रकाशित
TATA Landing
Dishhome
TATA Landing
Dishhome
प्रतिक्रिया दिनुहोस्