धादिङ । विद्युतको ट्रान्समिटर पड्किएर करेन्ट लाग्दा दुई जनाको मृत्यु भएको छ ।

थाक्रे गाउँपालिका ३ मा विद्युतको ट्रान्समिटर पड्किएर करेन्ट लाग्दा २ जनाको गएराति मृत्यु भएको हो । प्रहरीका अनुसार मृत्यु हुनेमा २३ वर्षीय सागर अर्याल र ४५ वर्षीय सानोमान तामाङ छन् ।

ट्रान्समिटर पड्किएर हाई भोल्टेज आएकाले आ–आफ्नै घरमा बत्ती बाल्न लाग्दा करेन्ट लागेर सख्त घाइते भएका उनीहरूको प्राथमिक स्वास्थ्य केन्द्र गजुरीमा उपचारका क्रममा मृत्यु भएको हो ।

घाइते भएका सोही ठाउँ बस्ने २४ वर्षीय रूपक अर्याललाई सोही स्वास्थ केन्द्र हुँदै थप उपचारका लागि बर्न अस्पताल कीर्तिपुर लगिएको र अन्य ३ जना उपचारपछि घर फर्किएको प्रहरीले जनाएको छ । 
प्रतिकात्मक तस्बिर ।