खेल
काठमाडौं । स्टार खेलाडी क्रिस्टियानो रोनाल्डोले गोल गर्दा युभेन्ट्सले कोपा इटालीमा सेमिफाइनको पहिलो लेगमा बराबरी खेलेको छ ।
बिहीबार राति भएको खेलमा युभेन्ट्सले एसी मिलानसँग १–१ गोलको बराबरी खेलेको हो । पहिलो हाफमा गोल रहित बराबरी खेलेका दुबै टोलीले दोस्रो हाफमा गोल गरेका हुन् ।
खेलको ६१ औँ मिनेटमा एन्टे रेविकले गोल गर्दै मिलानलाई अग्रता दिलाए । ७१ औँ मिनेटमा थ्यो हर्नान्डेजले रातो कार्ड खाँदा मिलान १० खेलाडीमा सिरित भएको थियो । खेलको इन्जुरी समयमा रोनाल्डोले पेनाल्टी मार्फत गोल गर्दै खेल बराबरीमा ल्याए ।
बराबरीसँग दुबै टोलीले अर्काे लेगमा प्रतिस्पर्धा गर्ने भएका छन् । अर्काे लेगमा जित हात पार्ने टोली फाइनलमा प्रवेश गर्नेछ ।
प्रकाशित मिति: शुक्रबार, फागुन २, २०७६ ०९:४८
प्रतिक्रिया दिनुहोस्