राजनीति
काठमाडौं । प्रधानमन्त्री केपी शर्मा ओली आजै प्रधानमन्त्री निवास बालुवाटार छाडेर बालकोट घरमा सर्ने भएका छन् ।
व्यबस्थापिका–संसदको बुधबारको बैठकबाट नयाँ प्रधानमन्त्री निर्वाचित भएपछि प्रधानमन्त्री केपी शर्मा ओली बालुवाटारस्थित प्रधानमन्त्रीको सरकारी निवास बालुवाटारबाट बुधबारनै भक्तपुर, बालकोटस्थित निजी निवास सर्ने प्रेस सल्लाहकार प्रमोद दाहालले जानकारी दिए ।
“प्रधानमन्त्री व्यबस्थापिका संसदको बैठकबाट सिधै बालकोट जानुहुने छ,”दाहालले भनेका छन् ।
नयाँ निर्वाचित प्रधानमन्त्रीलाई प्रधानमन्त्रीको सरकारी निवासमा सर्न उपयुक्त वातावरण निर्माण होस् भन्ने उद्देश्यले प्रधानमन्त्री आजै आफ्नो निजी निवास बालकोट सर्न लागेको दाहालले जनाए । नयाँ निर्वाचित प्रधानमन्त्रीको शपथ ग्रहण समारोहमा प्रधानमन्त्री ओली आफ्नो निजी निवासबाटै सहभागी हुनेछन् ।
आज व्यवस्थापिका संसद् बैठकमा सहभागी हुन जानु अघि प्रधानमन्त्रीले प्रधानमन्त्री निवास बालुवाटारस्थित सचिवालयको हातामा पीपलको बृक्षारोपण गरेका थिए । प्रधानमन्त्रीले सुरक्षाकर्मी, सचिवालयका कर्मचारी र सहयोगीहरुसँग छुट्टाछुट्टै भेटेर पुर्याएको सहयोगका लागि धन्यबाद दिएका थिए ।
प्रकाशित मिति: बुधबार, साउन १९, २०७३ १२:११
प्रतिक्रिया दिनुहोस्