काठमाडौं । कानुन, न्याय तथा संसदीय मामिला मन्त्री अजयशंकर नायकले मंगलबारसम्ममा संविधान संशोधन विधेयक व्यस्थापिका संसदमा दर्ता हुने बताएका छन् । आइतबार भृकुटिमण्डपमा भएको एक कार्यक्रममा कानुन मन्त्री नायकले सोमबार वा मंगलबारसम्ममा राजनीतिक दलहरुबीचको सहमतिमा संविधान संशोधन विधेयक व्यवस्थापिका संसद्मा दर्ता हुने बताएका हुन् । कानुन मन्त्री नायकले भने, ‘संविधान संशोधन विधेयक दर्ता गराउने विषयमा दलहरु सहमति नजिक पुगेका छन्, सबै राजनीतिक दलको सहमतिमा संविधान संशोधन विधेयक व्यवस्थापिका संसद्मा सोमबार वा मंगलबारसम्ममा दर्ता हुने सम्भावना छ ।’
मन्त्री नायकले सबै राजनीतिक दलको सहमतिमै स्थानीयन निकायको निर्वाचन हुने बताए । पहिलो र दोस्रो संविधानसभाको निर्वाचन सबै राजनीतिक दलबीचको सहमतिमा भएको स्मरण गराउँदै उनले सबै राजनीतिक दल मिलेर निर्वाचनमा जाने स्पष्ट पारे । स्थानीय तहको निर्वाचनमा जानुपर्ने विषयमा सबै राजनीतिक दलहरु एकमत रहेको उनको भनाई थियो ।
स्थानीय निकाय पुर्नसंरचना आयोगको प्रतिवेदनलाई मिलाएर राजनीतिक सहमतिमा अगाडि बढ्दा उपयुक्त हुने बताउनुहुँदै उनले स्थानीय निकायको निर्वाचन कुनै पनि हालतमा हुने दोहो¥याएका छन् ।