पर्सा । नेपाली कांग्रेसका वरिष्ठ नेता रामचन्द्र पौडेलले संविधान कार्यान्वयन गर्नु नै अहिले मुलुकको प्रमुख कार्यभार भएको बताएका छन् ।  

नेपाल प्रेस युनियन पर्साले शनिबार आयोजना गरेको पत्रकार सम्मेलनमा उनले भने – संशोधनको माध्यमवाट संविधानलाई सर्वस्वीकार्य बनाउनुपर्दछ । 

नेता पौडेलले संंविधान कार्यान्वयनमा देखिएका चुनौतीलाई सम्बोद्धन गर्नु सबै राजनीतिक दलको साझा कर्तव्य भएको उल्लेख गर्दै भने, “संविधान कार्यान्वयनका लागि स्थानीय तहलगायत तीन तहको निर्वाचन गर्नु आवश्यक छ तर निर्वाचनको वातावरण बनाउनका लागि संविधान संशोधन गरेर मधेसी, आदिवासी, जनजातीका गुनासालाई सम्बोधन गर्नु आवश्यक रहेको छ ।” 

मुलुकका विद्यमान राजनीतिक विवादलाई कम गर्न तथा राष्ट्रिय एकतालाई सुदृढ र सबल बनाउन आफू तराई– मधेस संवाद अभियानमा हिँडेको चर्चागर्दै उहाँले यो अभियानले संविधान संशोधन गरेर मुलुकको बिधमान राजनीतिक समस्या समाधानमा सहयोग पुरियाउने विश्वास व्यक्त गरे । रासस