साहित्य
अपात्र र लाटोकोसेरोको जोखना
ओम आचार्य
कसैले धुरी चढाउँछ
या शूली चढाउँछ
थाहा नपाई चढ्छ
या कुनै दलदलमा गढ्छ ।
भुइँमा हुन्छ
घटना घट्छ
या दुर्घटना हुन्छ
बुई चढ्छ या चढाइन्छ
खुट्टाले टेक्न छाड्छ
आसक्त नजरहरू
भित्रभन्दा बाहिरफेर गाड्छ ।
नजाने ठाउँमा जान्छ
बेला कुबेला जान्दैन
भक्ष अभक्ष छान्दैन
सोमत नभएको मत
जग हल्लाइरहन्छ
भतुवाहरू छिरिल्लिँदै हुन्छन्
खल्किएपछि ढाल्न/गाल्न सजिलो हुन्छ ।
समयले ताछ्दै हुन्छ उसलाई
बसिला कति बेला रिसाउँछ वा खुसी हुन्छ
थाहा दिन्न कहिल्यै
पुतली बनाउँछ
या झुसिल्किरो
दर्शकदीर्घाको लाटोकोसेरो
जोखना हेर्दै हुन्छ एकोहोरो ।
(अर्घाखाँची)
प्रकाशित मिति: शनिबार, साउन १७, २०८२ ०८:२५
प्रतिक्रिया दिनुहोस्
सम्बन्धित समाचार
सिफारिस
1690988801.jpg)
प्रवास
कार्टुन
भिडियो
-1755141679.jpg)
विचार
अन्तर्वार्ता
ब्लग
